• 康楷中醫

【食譜湯水】桑寄生蓮子南棗茶


天氣開始轉冷,想飲番D 暖笠笠的飲品。桑寄生蓮子雞蛋湯糖水水就飲得多,今日介紹的桑寄生茶除了一般的桑寄生同蓮子外仲會用上南棗同有機無花果, 唔洗加湯都夠晒甜,素食者就啱喇!!! 如果都係想回味下桑寄生蓮子雞蛋湯糖水的味?就可以用於水滾後加入已烚熟剝左殼的雞蛋飲之前加少少紅糖。 咁就又滋潤又美味啦。 桑寄生:祛風濕,益肝腎,強筋骨,安胎 蓮子:益腎固精,補脾止瀉,養心 南棗:補中益氣,養血安神 無花果:健脾,滋養,潤腸 加埋生薑飲完個人仲暖笠笠,無花果仲有增乳的作用, 母乳媽媽都可以飲架。 成份(2-3人份):桑寄生,蓮子各45克,南棗6-10 粒(剪),生薑2片(拍),無花果4粒(剪開) 。 做法: 以上材料加入1500毫升水,大火煮滾後轉細火再煮30分鐘,即可享用。 感冒忌服, 長期病患者慎服(飲用前請向註冊中醫查詢)。


3393 次瀏覽

​觀塘 I 黃埔 I 土瓜灣 I 大圍雲疊 I 大圍美林 I 將軍澳尚德 I 粉嶺碧湖 I 粉嶺中心 I 粉嶺逸峰

© 2007 by HONG-KAI CHINESE MEDICINE CLINIC LTD.