【食譜湯水】雪梨無花果茶

打風過後天氣開始涼，秋意開始漸濃，天氣乾燥，係咪好想飲番杯滋潤的飲品呢? 今日為大家介紹呢個雪梨無花果茶就啱晒口味啦!材料都帶有天然的甜味，所以唔洗落糖都夠晒清甜，美味！今次示範用左梨乾，大家用新鮮雪梨都可以架！

材料：梨乾（6-8片）/雪梨(小)2個、蘋果（小）2個、無花果4粒、紅棗4粒、龍眼肉20克

做法：雪梨、蘋果洗淨去核切件；其餘材料沖水，無花果、紅棗剪開；加1500毫升水大火煮滾後轉中細火煮20分鐘後熄火15分鐘即可享用。